Fortuna Dusseldorf 1895 FC, jinsabu f'Malta għall-training camp ta' ġimgħa. Huma waslu l-Erbgħa filgħaxija u tħarġu għall-ewwel darba fit-training grounds tal-MFA għal ħabta tal-5.00pm. Dan kien wieħed minn sensiela ta' klabbs Ewropej li ġejjin f'pajjiżna fil-ġimgħat li ġejjin. Kemm idumu f'Malta, Fortuna Dusseldorf se jilagħbu diversi partiti ta' ħbiberija. Universal Craiova FC, il-klabb mir-Rumanija, se jkun it-tieni tim li jiġi f'pajjiżna. Huma jaslu matul il-ġurnata tal-Ġimgħa.