Silvio Vella, il-kowċ tat-tim nazzjonali Malti ta' taħt il-21 sena, sejjaħ l-iskwadra proviżorja għaż-żewġ partiti li jagħtu bidu għall-Grupp ta' Kwalifikazzjoni għall-Kampjonati Ewropej minn Grupp 1 kontra l-Moldova fil-11 ta' Ġunju u l-Latvja 16 ta' Ġunju, rispettivament.

L-ewwel sessjoni ta' taħriġ se ssir fit-18 ta' Mejju fis-6.00pm u għaliha mistenni jkunu preżenti l-plejers kollha msejħa f'din l-iskwadra, bl-eċċezzjoni ta' dawk li l-klabb tagħhom ikun għad irid jilgħab il-finali tal-FA Trophy fit-23 ta' Mejju.

Dawn il-plejers jingħaqdu mal-iskwadra fil-25 ta' Mejju.