Malta Football Association
NEWS:
"Għandi kliem ta' tifħir biss lejn il-plejers tiegħi" - Ghedin
Jun 13, 2015
Posted in:
Ritratt: Mark Soler
Ritratt: Mark Soler

  • Ritratt: Mark Soler
  • Ritratt: Joe Borg

Mark Attard, Media Officer

 

Pietro Ghedin, il-kowċ nazzjonali ta' Malta, deher iddispjaċut wara l-partita kontra l-Bulgarija u sostna dan fil-konferenza stampa ta' wara l-partita li t-tim Malti tilef bi skor minimu ta' 1-0.

 

"Iddispjaċut bir-riżultat. Kien ħaqqna aħjar. Il-plejers tiegħi issieltu għal kull ballun, kienu aggressivi u tgħalmu ħafna kif jagħlqu l-ispazji ta' wara u jmexxu l-ballun. Għandi kliem ta' taifħir biss lejhom," qal Ghedin.

 

Il-kowċ nazzjonali Malti faħħar il-wirja tal-gowlkiper Malti Justin Haber u ta' Alfred Effiong.

"Haber kien perfett bejn il-lasti. Salva ħafna blalen li kienu gowls ċerti u kien hu li żamna fil partita. Ma kellu l-ebda tort fil-gowl. Kien first timer minn taħtu li biex jilqgħu ried biss jaħbat miegħu.

"Effiong hu plejer ta' livell għoli ħafna. Jarmi saħħa kbira u jiġri ġiri kbir. Se jkun importanti ħafna għal dan it-tim fil-partiti li jmiss," qal Ghedin.

 

Mistoqsi fuq Michael Mifsud u jekk wasalx iż-żmien li jibda jaħseb għandux jibda mal-ewwel ħdax jew le, Ghedin faħħar lill-captain tat-tim nazzjonali Malti għal dak li ilu jagħmel f'dawn l-aħħar snin għall-pajjiż.

 

"Wieħed ma jistax jinsa dak li għamel fl-aħħar snin għal dan it-tim nazzjonali. Mifsud ġej minn injury u għadu ma qgħadx għal-logħob kif suppost. Qed nispera li jerġa' jiġi kif kien. Irridu niftakru li meta nitkellmu fuq Mifsud qegħdin nitkellmu fuq parti kbira tal-Istorja tat-tim nazzjonali Malti," qal Ghedin.


Official Sponsors
Commercial Partners